Kristján er fæddur og uppalinn í Vesturbæ Kópavogs og er stúdent frá MK. Í kjölfarið fylgdi nám í viðskiptafræði við HÍ og MBA nám við Theseus/EDHEC Business School í Frakklandi. Kristján hefur víða komið við, en hann starfaði t.a.m. við fjármálastjórn hjá heildsölu- og iðnfyrirtækjum og einnig í Landsbankanum, bæði hér á landi og í Lúxemborg. Utan skrifstofunnar er Kristján ferðalangur með meiru sem hefur áhuga á myndlist og matseld. En efst á lista trónir fjölskyldan, með barnabörnin í allra fyrsta sæti. „Ef þú ert í söluhugleiðingum eða vilt fá ráðgjöf, hafðu samband og ég mun veita þér trygga og áreiðanlega þjónustu“