Holtagerði 70

Gimli fasteignasala kynnir Holtagerði 70, neðri hæð með sérinngang, ásamt bílskúr, í fallegu tvíbýli á besta stað á Kársnesinu.
Mjög stór og fallegur garður, stutt í skóla, leikskóla, sundlaug og útivistarsvæði.
Eign sem er þess virði að skoða.
Bókið skoðun hjá Ingibjörg Reynisdóttir  í síma 820-1903, eða inga@gimli.is


Smelltu hérna til að sjá vídeo af eigninni 

Eignin Holtagerði 70 er skráð sem hér segir; birt stærð 138.9 fm þar af er bílskúrinn 31,5 fm.
Lóðin er mjög stór eða 913 fm. 

Hæðin er á tveimur pöllum. Aðalinngangur er inn á neðri pall og þar er forstofa, 3 svefnherbergi, baðherbergi og nett geymslurými. Á neðri palli er ekki alls staðar full lofthæð. Á efri palli er eldhús og stofa/borðstofa, sem mynda fallegt opið sameiginlegt rými, þaðan sem hægt er að ganga út í garðinn. Á efra palli er einnig rúmgott sameiginlegt þvottahús. Bílskúrinn er með góðri lofthæð og millilofti.

NÁNARI LÝSING:
Forstofa er flísalögð að hluta, með geymslurými.
Eldhús er endurnýjað með hvítri innréttingu, innbyggðum ísskáp og uppþvottavél og góðu skápaplássi. Eyja með eldavél og skúffum og nýlegt flot á gólfi.
Stofa/borðstofa mynda eitt opið bjart rými með nýju floti á gólfi. Rýmið er bæði nýtt sem sjónvarpshol og borðstofa. Úr stofunni er útgengt á hellulagða verönd og í garðinn sem snýr að mestu í suður.
Hjónaherbergi er rúmgott með skáp og parket á gólfi.
Svefnherbergi I bjart með tveimur gluggum og parket á gólfi.
Svefnherbergi II teiknað sem geymsla en er í dag gott barnaherbergi með tveimur gluggum og parketi á gólfi.
Baðherbergi er flísalagt í hólf og gólf með baðkari með góðri sturtu, handklæðaofni og ágætis innréttingu.
Bílskúr er rúmgóður með góðri lofthæð og hluta til með millilofti.
Garður er skjólgóður, vel hirtur og gott samkomulag um skiptingu hans. Í garðinum er stór matjurtagarður, lítill kaldur geymsluskúr, róla og sandkassi, falleg blómabeð og í garðinum vaxa m.a. jarðarber, hindber, sólber, rifsber og mynta.

Framkvæmdir sem er búið að fara í 2025 :
Það er búið að fara í múrviðgerðir á einum útvegg, þeim sem var helst sett út á í síðustu sölu. Komin ný múrhúð á hann allan og búið að mála. Þar var einnig gert við leka í sama vegg. Það er búið að brjóta upp gólfið á efri pallinum, steypa talsvert þar upp á nýtt og flota. Það stendur nú nýflotað og tilbúið undir gólfefni.

Vel skipulögð eign á besta stað á Kársnesi, stutt í skóla, sundlaug, íþróttaaðstöðu og aðra fjölbreytta þjónustu. Kársnesið er rótgróið hverfi sem er í kröftugri uppbyggingu og fyrirhuguð er góð tenging við miðbæ Reykjavíkur með nýrri Fossvogsbrú. Opnaður var nýr barna og leikskóli í Holtagerði haustið 2025.

Nánari upplýsingar veitir: Ingibjörg Reynisdóttir Löggiltur fasteignasali, í síma 8201903, tölvupóstur inga@gimli.is eða gimli@gimli.is og Kristján Gíslason Löggiltur fasteignasali, í síma 691-4252, tölvupóstur kristjan@gimli.is 

Gimli fasteignasala hefur stundað fasteignaviðskipti með farsælum hætti á fimmta áratug og er ein af elstu starfandi fasteignasölum landsins, stofnuð árið 1982. Leiðarljós Gimli er heiðarleiki, traust og góð þjónusta. Gimli, gerir betur...
Gimli er staðsett á 2. hæð á Grensásvegi 13, 108 Reykjavík og á 2. hæð á Eyravegi 29, Selfoss.
Opnunartími frá kl. 10 -16 alla vikra daga, sími: 570 4800, tölvupóstur: gimli@gimli.is
Heimasíða Gimli fasteignasölu

Gimli á Facebook

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á.
Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.
Gjöld sem kaupandi þarf að standa straum af vegna kaupanna:Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.Þinglýsingargjald hvers skjals er kr. 2.700,- .Lántökugjald lánastofnunar skv. gjaldskrá viðkomandi lánveitanda.Umsýsluþóknun fasteignasölu skv. gjaldskrá.Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.