Bifröst 0

SÖLUSÝNING VERÐUR HALDIN 1. NÓVEMBER 2025, KL. 13:00. MÆTING VIÐ AÐALINNGANG SKÓLANS.

Gimli fasteignasala, Halla, Elín og Lilja kynna:  Þorpið við þjóðveginn, Bifröst, í Borgarbyggð, brú draumanna.

Allar skólabyggingar og stór hluti af kennara- og nemendabyggingum með 17,8 hektara eignarlandi  á þessum einstaklega fallega og friðsæla stað í stórbrotinni náttúru með heillandi útivistarsvæði og endalausum möguleikum.

Eignirnar seljast í einu lagi. Ásett verð er 3,2 ma.

Hafðu samband til að fá ítarlegri upplýsingar og teikningar.

Nánari upplýsingar veita: Halla Unnur Helgadóttir Löggiltur fasteignasali, í síma 6594044, tölvupóstur halla@gimli.is
Elín Urður Hrafnberg Löggiltur fasteignasali, í síma 690-2602, tölvupóstur elin@gimli.is
Lilja Hrafnberg Löggiltur fasteignasali, í síma 820-6511, tölvupóstur lilja@gimli.is

Bifröst og nágrenni er rómað fyrir náttúrufegurð og margir möguleikar til útiveru.
Gönguleiðir eru margar, t.d. í kringum Hreðavatn og Grábrók. Þá er vert að ganga um Jafnaskarðsskóg og heimsækja Paradísarlaut. Baula, eitt tignarlegasta fjall landsins, trónir yfir landinu. Golfvöllurinn Glanni er í göngufæri. Bifröst er í þægilegri akstursfjarlægð úr höfuðborginni, um 100 kílómetrar.

NÁNARI LÝSING:
Skóli og visthús, samtals 3120,2 fm. Elsti hluti skólans, 669,2 fm, teiknaður af Sigvalda Thordarson, reistur 1950. Stór samkomusalur með aðliggjandi veitingaeldhúsi, setustofa með bogadregnum gluggum og arni, móttaka, snyrtingar og herbergi á 2.hæð.

Heimavist og kennslustofur, 1.221,9 fm, byggt og tengt við elsta hlutann 1959. Þrjár hæðir, lyfta á milli hæða. Á neðstu hæð og í risi eru kennslustofur í ýmsum stærðum og á miðhæð eru svefnherbergi með snyrtiaðstöðu, sum endurnýjuð
Aðalból/bókasafn, 812,5 fm. Þriggja hæða hús, byggt 1959. Salir, skrifstofur, líkamsrækt, geymslur o.fl.

Nýjasti hluti skólans var byggður 2002 og er 1262,6 fm. Glæsileg bygging á tveimur hæðum og er tengd við eldri hlutana
Neðri hæð. Fyrirlestrasalur sem hægt er að sameina við móttöku,  salur/skrifstofurými , annað skrifstofurými, tvö fundarherbergi, tvö gluggalaus rými sem nýtt hafa verið sem tölvu- og ljósritunaraðstaða
Efri hæð. Salur sem bæði er hægt að skipta upp í tvennt eða opna inn í önnur rými með hreyfanlegum renniflekaveggjum. Skrifstofur, snyrtingar, matsalur og tvö ágætis  rými með þakgluggum

Aðrar byggingar sumar samtengdar áður tilgreindum húsum. Geymsla/verkstæði, þvottahús/rafstöð samtals 339,2 fm. Kaffihús er sambyggt við aðalbygginguna og er 135,5 fm. Verslun, sérstætt steinsteypt hús ætlað fyrir verslun, samtals 416,5 fm

Nemendagarðar:
Eru í nokkrum 2ja hæða byggingum sem eru dreifð um svæðið. Um er að ræða 19 íbúðir, 2ja-4ra herbergja í fjölbýlishúsum, 24 raðhús 79,7-108,2 fm á tveimur hæðum 8 raðhús, um 132 fm, 5 svefnherbergi (öll með sér baðherbergi), fjórbýlishús með 3-6 svefnherbergjum (öll með sér baðherbergi) og sameiginlegu eldhúsi/setustofu. 

Kennarahús:
Einbýlis- og parhús öll á einni hæð. Tvö einbýlishús 121,8 fm með fjórum svefnherbergjum. Þrjú einbýlishús 135,5 fm með fjórum svefnherbergjum. Tvö parhús, hvort hús er 110 fm að stærð með þremur svefnherbergjum.

Heildarjörðin er sögð vera17,8 ha, þar af um 12 ha utan skipulags. Nokkrir lóðarleigusamningar eru úr jörðinni við ótengda aðila.

Samantekt
Heildarbyggingarmagn er um 11.500 fm
Íbúðir 6641,9 fm
Skólabyggingar eru 4441,0 fm
Verslun 416,5 fm.
Annað; óbyggð lóð, Hreðavatnsland (sparkvöllur), Bifröst land, samtals um 17,8 ha.

Gimli fasteignasala leggur áherslu á traust, áreiðanleika og góða þjónustu.

Það er okkar trú að það skipti öllu máli í fasteignaviðskiptum að viðskiptavinurinn fái trausta og góða þjónustu. Við hjá Gimli höfum stundað fasteignaviðskipti með farsælum hætti í meira en fjóra áratugi. Hjá okkur starfa sérhæfðir og reyndir fasteignasalar sem sinna stórum sem smáum verkefnum af nákvæmni og þekkingu sem skilar árangri.

Gimli Fasteignasala er staðsett á jarðhæð í Skipholti 35 í Reykjavík en einnig rekum við söluskrifstofu að Eyrarvegi 29. 2 hæð á Selfossi.

Við höfum opið frá 10-15 mánudaga til föstudaga. Sláðu á þráðinn eða líttu við hjá okkur í Skipholtinu næst þegar þú átt leið hjá. Við erum alltaf með heitt á könnunni. sími: 570 4800, tölvupóstur: gimli@gimli.is

Gimli gerir betur...
Heimasíða Gimli fasteignasölu

Gimli á Facebook

Um skoðunar- og aðgæsluskyldu kaupenda: Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á.

Forsendur söluyfirlits: Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak.

Gjöld sem kaupandi þarf að standa straum af vegna kaupanna: Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila. Þinglýsingargjald hvers skjals er kr. 2.700,- Lántökugjald lánastofnunar skv. gjaldskrá viðkomandi lánveitanda. Umsýsluþóknun fasteignasölu skv. gjaldskrá. Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.
Teikningar sem fylgja lýsingu eignarinnar og myndum eru til viðmiðunar og ekki alltaf í samræmi við samþykktar teikningar af eigninni.
Myndir í auglýsingu eru í einkaeigu og er notkun þeirra með öllu óheimil án formlegs leyfis fasteignasala