Gimli fasteignasala kynnir: 

Afar fallegt og vel skipulagt 5 herbergja endaraðhús á tveimur hæðum á vinsælum stað í Norðlingaholti. Húsið er með mjög rúmgóðri aðkomu, stórum palli til suðurs og garði. Viðhaldi hefur verið sinnt vel og er m.a. nýbúið að endurnýja baðherbergi á afar smekklegan hátt. Þak var endurnýjað 2021, nýjar flísar lagðar á forstofu og snyrtingu á neðri hæð 2022. Húsið er í heildina 146,7 fm en bætt hefur verið við rúmgóðu herbergi á neðri hæð og var sú stækkun tekin af hluta bílskúrs. Bílskúrinn nýtist í dag sem flott geymsla þar sem hægt væri að koma fyrir hjólum af öllum gerðum og annars konar útivistarbúnaði. Við bílskúr er öflug hleðslustöð fyrir rafmagnsbíla. Sjónvarpshol er á efri hæð og mjög rúmgott, manngengt risloft yfir eigninni að hluta til sem hefur jafnvel verið nýtt sem leikherbergi. Aukin lofthæð er í húsinu og gólfhiti. Fasteignamat næsta árs er 112.550.000 kr.

Nánari upplýsingar veitir Lilja Hrafnberg, viðskiptafræðingur/Löggiltur fasteignasali, í síma 8206511, milli  kl. 9:00 og 17:00 alla virka daga, eða sendu fyrirspurn með tölvupósti til [email protected]

NÁNARI LÝSING:

NEÐRI HÆÐ: 
Forstofa: Rúmgóð með nýlegum gráum 60*60 flísum (terrazzoútlit) og stórum, innfelldum fataskáp. 
Snyrting: Inn af forstofu með nýlegum gráum 60*60 flísum (terrazzoútlit) og nýjum gráum handlaugarskáp ásamt vaski, upphengt wc. 
Eldhús: Rúmgóð eikarlituð innrétting, tækjaskápur, blástursofn í vinnuhæð, spanhelluborð, tengi fyrir uppþvottavél. Nýlegt harðparket (2017) á gólfi.
Stofa: með nýlegu harðparketi (2017) á gólfi, útgengi á stóran pall til suðurs. Búið er að fá heimild hjá Skipulagsfulltrúa Reykjavíkur fyrir stækkun stofu undir svalirnar sem er 5*2 metrar. 
Herbergi: Rúmgott með nýlegu harðparketi (2017) á gólfi. Var áður hluti af bílskúrsrými. 
Stigi: Nýlegt teppi á stiga og rými undir stiga sem býður upp á ýmiskonar nýtingarmöguleika. Yfir stiga eru tveir þakgluggar sem gefa fallega birtu yfir stiga og inn í hol á efri hæð. 
Bílskúr: Einnig með inngönguhurð á hlið. Íbúðarrými var stækkað um eitt herbergi á neðri hæð og var sú stækkun tekin af hluta bílskúrs. Bílskúrinn nýtist í dag sem góð geymsla þar sem hægt væri að koma fyrir hjólum af öllum gerðum og öðrum útivistarbúnaði. Við bílskúr er 3 fasa Teslu (ccs) hleðslustöð fyrir rafmagnsbíla.

EFRI HÆÐ: 
Hol: með eikarparketi á gólfi. 
Sjónvarpshol: inn af holi með eikarparketi á gólfi 
Baðherbergi: Nýendurnýjað (2023) þar sem öllu var skipt út og skipulagi breytt. Flísalagt í hólf og gólf með stórum flísum með marmaramynstri, stór walk in sturta með innbyggðri hillu og svörtum blöndunartækjum. Öll tæki úr Tengi. Upphengt wc, svört innrétting og skápur frá Bauhaus. Dökk borðplata frá Fanntófell  Spegill með innflelldri og baklýsingu frá Glerborg. Svartur handklæðaofn. Opnanlegur gluggi er á baðherbergi. 
Þvottahús: Inn af baðherbergi, flísalagt með stórum flísum með marmaramynstri. Þvottavél og þurrkari í vinnuhæð og svartir skúffuskápar undir tækjum. Hvítur veggskápur, hillur og slár til að hengja upp á. Opnanlegur gluggi.
Hjónaherbergi: Með stórum gluggum á tvo vegu, útgengi á stórar suður-svalir (9,8 fm). Fataskápar með eikaráferð og eikarparket á gólfi. 
Svefnherbergi #2: Með hvítum hágláns fataskáp og eikarparketi á gólfi.
Svefnherberg #3: Eikarparket á gólfi. 
Risloft: Rúmgott með aðgengi upp af hjónaherbergi, stigi áfastur við lúgu. 

AÐKOMA: Hellulögð með hitalögn. Möguleiki að koma fyrir 5-6 bílum fyrir framan húsið auk þess sem mætti nýta stétt við hlið hússins fyrir hjólhýsi sem dæmi. 
PALLUR: Stór afgirtur suður-pallur sem gengið er út á úr stofu/eldhúsi, hlið út í garð. 
GARÐUR: Stór og fallegur gróinn garður, afmarkaður með trjám. 

VEL STAÐSETT OG SPENNANDI EIGN SEM BÝÐUR UPP Á MÖGULEIKA Á STÆKKUN Á STOFURÝMI OG ER AFAR VEL TIL ÞESS FALLIN AÐ HALDA UTAN UM STÓRA FJÖLSKYLDU. 

Fræmkvæmdir sem farið hefur verið í undanfarin ár. 

• 2017 - Skipt um parket á neðri hæð og útbúið herbergi úr hluta af bílskúr. Sagað var fyrir hurð svo innangengt er í herbergið úr holi, gólf hækkað svo það sé í flútti við íbúð.
• 2020 - Samþykkt var ósk eiganda eftir heimild frá Skipulagsfulltrúa Reykjavíkur um deiliskipulagi og fá að stækka stofu undir svalirnar sem er 5*2 metrar.
• 2021 - Skipt um Þakjárn, timbur og ull. Sett ál í staðin fyrir járn (endingarbetra). 
• 2021 - Stigi teppalagður
• 2022 - Skipt um flísar í forstofu og nýr vaskaskápur á snyrtingu niðri.
• 2022 -  Bíslag byggt yfir andyri með innfeldlri lýsingu
• 2023 -  Nýtt baðherbergi á efri hæð. Öllu skipt út og skipulagi breytt, stór walk in sturta. Öll tæki úr Tengi, spegill með innfleldri og baklýsingu frá Glerborg. Innréttting frá Bauhaus. Handklæðaofn settur upp.

Gimli er ein af elstu starfandi fasteignasölum landsins, stofnuð 1982 og fagnaði því 40 ára starfsafmæli á árinu 2022. Leiðarljós Gimli er heiðarleiki og traust. Gimli, gerir betur...

Um skoðunar- og aðgæsluskyldu kaupenda: 
Í lögum um fasteignakaup nr. 40/2002 er kveðið á um ríka skoðunarskyldu kaupenda á fasteignum. Gimli fasteignasala bendir væntanlegum kaupendum á að kynna sér vel ástand eigna við skoðun og fyrir tilboðsgerð og að leita til sérfræðinga um nánari ástandsskoðun ef þörf er á. 

Forsendur söluyfirlits: 
Söluyfirlit er samið af fasteignasala í samræmi við ákvæði laga nr. 70/2015. Þær upplýsingar sem fram koma í söluyfirliti þessu eru sóttar í opinberar skrár, til seljanda sjálfs og eftir atvikum til húsfélags. Seljandi veitir upplýsingar um eign í samræmi við upplýsingaskyldu laga um fasteignakaup nr. 40/2002. Fasteignasali sannreynir að þær upplýsingar séu réttar með sjónskoðun á eigninni. Fasteignasali getur ekki fullyrt um ástand og eiginleika þeirra hluta fasteigna sem ekki eru aðgengilegir og sjást ekki berum augum, t.d. lagnir, dren, skólp og þak. 

Gjöld sem kaupandi þarf að standa straum af vegna kaupanna:
Stimpilgjald af kaupsamningi sem er hlutfall af fasteignamati. Stimpilgjald er 0,8% fyrir einstaklinga (0,4% við fyrstu kaup m.v. að lágmarki 50% eignarhlut) og 1,6% fyrir lögaðila.Þinglýsingargjald hvers skjals er kr. 2.700,- .Lántökugjald lánastofnunar skv. gjaldskrá viðkomandi lánveitanda.Umsýsluþóknun fasteignasölu skv. gjaldskrá.Ef um nýbyggingu er að ræða greiðir kaupandi skipulagsgjald, 0,3% af brunabótamati, þegar það er lagt á.